اسلام آباد۔11نومبر (اے پی پی) قومی اسمبلی کوں ݙسیا ڳیا جو جدید ٹیکنالوجی دے استعمال نال بجلی دی چوری روکݨ، بلنگ دا معیار بہتر تھیسی۔ جمعے کوں قومی اسمبلی اچ سوالاں دے وقفے اچ سکندر علی راہوپوتو دے لوڈشیڈنگ بارے سوال دے ولدے اچ وفاقی وزیر توانائی خرم دستگیر خان آکھیا جو اساں تحریری جواب اچ ٹرانسفارمر وائز لوڈشیڈنگ دی تفصیلات ݙتن۔ حیدرآباد اچ 60 فیصد تئیں بجلی دے نقصانات ہن، ہݨ صرف چار گھنٹے دی لوڈشیڈنگ تھیندی پی اے۔ جتھ نقصان ودھ اے اتھاں لوڈشیڈنگ زیادہ تھیندی اے۔ اساں ٻہوں جلدی نقصانات آلے فیڈرز دے ٹرانسفارمر اچ ہک جدید میٹر لیسوں۔ ایں نال مثبت تبدیلی امسی۔ انہاں میٹرز دا دائرہ کار ہک سال اچ پورے ملک تئیں کھنݙا ݙتا ویسی۔ ہک ٻے سوال دے ولدے اچ وزیر توانائی خرم دستگیر آکھیا جو اے بی سی کیبل بارے فاضل رکن دے خدشات درست ہن، ایں کیبل کوں لاوݨ دا مقصد ہئی جو ایں تے کنڈا نی لڳ سڳدا پر اساݙا اے تجربہ کامیاب نی تھیا۔ جدید ٹیکنالوجی دے استعمال نال بجلی دی چوری روکݨ، بلنگ دا معیار بہتر تھیسی۔
