راولپنڈی۔11نومبر(اے پی پی)آرمی چیف جنرل قمر جاوید باجوہ ملتان گیریژن دا دورہ کیتے اتے سٹرائیک فارمیشنز دے دستیاں نال الائے۔ انہاں ملکی خدمت اچ ملتان گیریژن دی غیر معمولی پیشہ ورانہ قابلیت دی تعریف کیتی۔ پاک فوج دے شعبہ تعلقات عامہ ( آئی ایس پی آر ) ݙسائے جو آرمی چیف ملتان دے دورہ کیتے جتھاں انہاں دا استقبال کمانڈر سدرن کمانڈ لیفٹیننٹ جنرل اختر نواز ستی کیتے۔ سپہ سالار ملتان گیریژن دے افسران اتے جواناں نال ملین۔ آرمی چچیف سٹرائیک فارمیشنز دے دستیاں نال ڳالھ مہاڑ کریندے مادر وطن دی خدمت سانڳے بہترین کارکردگی اتے ڄذبے دی تعریف کیتی۔
