اسلام آباد۔11نومبر(اے پی پی)بہاول پور اسلامیہ یونیورسٹی دے شعبہ اقبالیات اتے پنجاب آرٹس کونسل بہاول پور دے ڳانݙھے نال ݙاہ ݙینھ جشن خودی یوم اقبال دی اختتامی تقریب خواجہ غلام فرید آڈیٹوریم بغداد الجدید کیمپس اسلامیہ یونیورسٹی بہاول پور اچ تھئی۔ تقریب دے مہمان خصوصی سیکرٹری ایجوکیشن جنوبی پنجاب ڈاکٹر احتشام انور، کمشنر بہاولپور راجہ جہانگیر انور اتے وائس چانسلر اسلامیہ یونیورسٹی بہاولپور انجینئر پروفیسر ڈاکٹر اطہر محبوب خصوصی شرکت کیتی۔ ڈاکٹر احتشام انور دا آکھنݨ ہا جو لوک عام طور تے اقبال کوں ہک مشکل پسند شاعر منیدن ٻھل انھاں دے سوکھے کلام نال معاشرے دی اصلاح دا فرض پورا کیتا ونڄ سڳدے۔ انجینئر پروفیسر ڈاکٹر اطہر محبوب وائس چانسلر اسلامیہ یونیورسٹی بہاول پور آپݨے صدارتی خطاب اچ آ کھیے جو اے اہم موقع اے جو اسلامیہ یونیورسٹی نہ صرف یونیورسٹی سطح تے ڄݙاں جو سکولاں اتے کالجاں دی سطح تے وی اقبال دی تفہیم دا فرض خوبی نال پورا کریندی پئی اے۔ اے پہلا موقع اے جو نانویں جماعت توں گریجویشن سطح تئیں دے طالب علماں مختلف مقابلیاں اچ حصہ ڳھدا۔ سجاد حسین ڈائریکٹر پنجاب آرٹس کونسل بہاولپور شرکا دا شکریہ ادا کیتا۔ مقابلیاں اچ محنتی بالیں پوزیشناں وی گھدن۔ پروفیسر ڈاکٹر جاوید حسن موہری اکھر پیش کیتے۔
