ملتان۔14نومبر (اے پی پی) سول سیکرٹریٹ جنوبی پنجاب دا منصوبہ تیزی نال اڳوں ٹردا پئے۔ سیکرٹریٹ دے گراونڈ فلور دا گرے سٹرکچر پورا کر ڳھدا ڳے اتے فرسٹ اتے سیکنڈ فلور تے کم تھیندا پے۔ ائرکنڈیشنڈنگ اتے وائرنگ اتے ڈکٹنگ دا کم وی شروع کر ݙتا ڳے۔ ایڈیشنل چیف سکرٹری جنوبی پنجاب کیپٹن (ر)ثاقب ظفر زیر تعمیر سول سیکرٹریٹ دا دورہ کیتا۔ کمشنر ملتان ڈویژن اشفاق احمد چوہدری،جنوبی پنجاب سیکرٹریٹ اتےضلعی انتظامیہ دے افسران اتے آئی ڈیپ دے حکام وی انہاں نال ہن۔ آئی ڈیپ دے پراجیکٹ منیجر ایں موقع تے بریفنگ اچ ݙسیا جو 504 کنال رقبہ تے ٻݨݨ آلے سول سیکرٹریٹ دے منصوبے تے3 ارب60 کروڑ روپے خرچ کیتے ویندے پن۔ سرکاری افسراں دی 6 رہائش گاہواں تے وی تکھے کم تھیندا پے۔
