اسلام آباد۔14نومبر (اے پی پی) وفاقی وزیراطلاعات تے نشریات مریم اورنگزیب آکھیا جو نام نہاد “حقیقی آزادی” دا چہرہ بے نقاب تھی ڳے، عمران خان قومی سلامتی کوں خطرے اچ پاتے، خارجہ تعلقات کوں تباہ کرݨ دی کوشش کیتی اے، ہݨ آکھدن امریکی سازش آلی ڳالھ ختم، “اڄ امپوٹڈ” اتے “رجیم چینج” دے کوڑے بیانیے توں دستبردار تھی ڳن۔ عمران خان اینویں کائنا چلسی۔ تساں کوں جواب ݙیوݨا پوسی۔ سنوار کوں سابق وزیراعظم عمران خان دے فنانشل ٹائمز کوں انٹرویو تے آپݨے ردعمل اچ انہاں آکھیا جو عمران خان امریکی سازش دا بیانیہ پچھوں سٹݨ نال ڳالھ کائنا مُکسی، تساں کوں جواب ݙیوݨا پوسی۔ جئیں بیانیے تےتساں پورے ملک اچ انتشار پاوݨ اتے کوڑ کھنڈایا، جواب ݙتے بغیر دستبرداری کافی نی۔ انہاں آکھیا جو اڄ صرف عمران خان توں سوالنی بلکہ عمران خان دی ڳالھ تے یقین کرݨ آلے اتے کوڑے، ملکی فائدےنال کھیݙݨ آلے فارن فنڈڈ فتنے دی ڳالھ سُݨݨ آلیاں کیتے وی سوالیہ نشان اے۔ انہاں آکھیا جو پارلیمان ، افواجِ پاکستان ، اداریاں کوں غدار آکھݨ نال ڳالھ نی مُکدی جو ” it’s behind me and it’s over “، اینویں نی عمران خان !اینویں نہیں ۔ نام نہاد “حقیقی آزادی” دا چہرہ بے نقاب تھی ڳے، عمران خان قومی سلامتی کوں خطرے اچ پاتے، خارجہ تعلقات کوں تباہ کرݨ دی کوشش کیتی اے۔
