اسلام آباد۔14نومبر(اے پی پی)وفاقی وزیر ماحولیاتی تبدیلی سینیٹر شیری رحمان آکھیے جو عمران خان دوغلی سیاست کیتے وݙا یوٹرن ڳھدے، عمران خان کوں سائفر ڄھیں قومی سلامتی دے معاملے تے کوڑ دا حساب ݙیوݨا ہوسی، انہاں کوں سائفر دے معاملے توں دستبردار تھیوݨ دی کوشش نہ کرن۔ عمران خان کوں ولدا ݙیندے وفاقی وزیر آکھیا جو مفروضے آلی بیرونی سازش دا ڈرامہ کرتے ہݨ سائفر توں پچھو ہٹدے پن، ایں کورے بیانیے نال ملک کوں پڄݨ آلے سفارتی نقصان دا کون ذݨہوار اے؟ انہاں سائفر تے ” کھیݙݨ” دی کوشش کیتی اے، جلسیاں اچ کوڑے الزامات لائن، اداریاں دے خلاف نفرت کھنݙائی اے، ہݨ کیویں یو ٹرن ڳھن سڳدن؟ انہاں آکھیا جو اے 35 پنچر دا نئیں قومی سلامتی دا معاملہ اے جیندا حساب ݙیوݨا ہوسی۔
