راولپنڈی۔15نومبر(اے پی پی)پاک فوج دے سربراہ جنرل قمر جاوید باجوہ پاکستان ملٹری اکیڈمی کاکول اتے بلوچ رجمنٹ سینٹر ایبٹ آباد دا الوداعی دورہ کیتے۔ آئی ایس پی آر ݙسائے جو پی ایم اے کاکول دورے تے کورکمانڈر راولپنڈی لیفٹیننٹ جنرل ساحر شمشاد مرزا آرمی چیف دا استقبال کیتے جتھاں آرمی چیف یادگار شہدا تے پھلاں دی چادر چڑھائی اتے فاتحہ پڑھی۔ او کیڈٹس اتے افسران نال ملین۔ اپݨے خطاب اچ آرمی چیف پاک فوج دے اعلیٰ تربیتی ادارے دے غیر معمولی اعلیٰ معیار اتے مستقبل دے لیڈر ٻݨاوݨ کیتے کوششاں دی تعریف کریندے کیڈٹس کوں آکھیا جو او پیشہ ورانہ مہارت سانڳے اپݨاں سارا زور لاون۔ آرمی چیف بلوچ رجمنٹ دا وی دورہ کیتے، یادگار شہدا تے پھلاں دی چادر چڑھائی اتے فاتحہ پڑھی۔ او حاضر سروس، ریٹائرڈ افسراں اتے جواناں نال ملین۔ آرمی چیف بلوچ رجمنٹ دی عظیم قربانیاں دی تعریف یتی۔ بلوچ رجمنٹ پڄݨ تے چیف آف جنرل سٹاف لیفٹیننٹ جنرل اظہر عباس آرمی چیف دا استقبال کیتے۔
