اسلام آباد۔16نومبر (اے پی پی) وزیراعظم شہباز شریف دی لکی مروت اچ پولیس وین تے دہشت گرداں دے حملے دی مذمت کیتی اے جئیں اچ چھی پولیس اہلکار شہید تھین۔ بدھ کوں وزیراعظم آفس دے میڈیا ونگ توں جاری بیان موجب وزیراعظم شہیداں کوں خراج عقیدت پیش کریندیں ہوئیں آکھیا جو قوم مادروطن تے جان قربان کرݨ آلے پتراں کوں سلام پیش کریندی اے۔ انہاں آکھیاجو دہشت گرد پاکستان دے دشمن ہن اتے پورا پاکستان دہشت گردی دے خلاف سیسہ پلائی دیوار ثابت تھیسی۔ پولیس دہشت گردی دے خلاف ہراول دستے دا قابل فخر کردار ادا کیتے۔ وزیراعظم شہیداں دے ٹٻراں نال ہمدردی کیتی اتے دعا کیتی جو اللہ تعالیٰ شہیداں دے درجات بلند فرماوے اتےانہاں دےٹٻر کوں صبر ݙیوے۔ وزیراعظم آکھیا جو خیبرپختونخوا حکومت شہدا کوں اعزازات اتے شہدا پیکج ݙیوے۔
