اسلام آباد۔18نومبر (اے پی پی) وفاقی وزیر برائے تخفیف غربت تے سماجی تحفظ و چیئرپرسن بی آئی ایس پی شازیہ مری آکھیا جو بینظیر انکم سپورٹ پروگرام چھل توں متاثرہ 2.8 ملین ٹٻراں کوں ٹارگٹ کیش ریلیف ݙیوݨ بارے اہم کردار ادا کریندا پے اتے حکومت ولوں 316 ملین ڈالر دی رقم تقسیم کیتی ڳی اے۔ اے ڳالھ انہاں اٹلی اچ ورلڈ فوڈ پروگرام (ڈبلیو ایف پی) دے ایگزیکٹو بورڈ اچ ڳالھ کریندیں ہوئیں آکھی۔ انہاں آکھیا جو پاکستان کوں 2030 تئیں غذائی تحفظ بارے اہداف کوں پورا کرݨ کیتے ہک وݙے چیلنج دا سامݨا اے۔ انہاں شرکاء کوں ݙسیا جو پاکستان دے 82 ضلعیاں اچ اڄوکے چھل پاروں 33 ملین توں ودھ لوک متاثر تھین۔ پاکستان دے چھل توں متاثرہ علاقیاں اچ تقریباً 650000 حاملہ تریمتیں کوں زچگی دی خدمات تئیں پڄݨ اچ مسائل ہن۔۔ شازیہ مری آکھیا جو تقریباً 4 ملین ٻال صحت دی خدمات توں محروم ہن۔ ورلڈ فوڈ پروگرام دے کردار دی تعریف کریندیں ہوئیں وفاقی وزیر آکھیا جو ڈبلیو ایف پی اتے بی آئی ایس پی پاکستان اچ صحت اتے غذائیت دی صورتحال کوں بہتر ٻݨاوݨ کیتے 15 ضلعیاں اچ “مشروط کیش ٹرانسفر پروگرام” نشوونما” تشکیل ݙتے۔
