اسلام آباد۔20نومبر (اے پی پی) وزیراعظم محمد شہبازشریف دی کوششاں رنگ لاتے، موسمیاتی نقصان دے ازالے کیتے عالمی فنڈ قائم کر ݙتا ڳیا جیڑھا جو موسمیاتی تبدیلی دے شکار غریب ملکاں کیتے ہک وݙی خوشخبری اے۔ وزیر اعظم آفس میڈیا ونگ ولوں جاری اعلامیہ موجب کوپ27 دے موقع تے نویں تاریخ لکھی ڳی جئیں اچ سیکریٹری جنرل اقوام متحدہ سمیت عالمی قائدین اہم کردار ادا کیتے۔ بیان اچ آکھیا ڳیا جو ڈیمیج اینڈ لاس فنڈ دا قیام موسمیاتی انصاف آلے پاسے عملی پیش رفت اے۔ وزیراعظم محمد شہباز شریف، وزیر خارجہ بلاول زرداری اتے وزیر موسمیاتی تبدیلی شیری رحمان موسمیاتی انصاف کیتے علاقائی اتے عالمی سطح تے بھرپور آواز چاتی ہئی۔ ڈیمیج اینڈ لاس فنڈ دے ذریعے چھل متاثرین سودھے ٻئے موسمیاتی نقصان دا شکار ملکاں کوں مالی تعاون ملسی۔ کوپ 27 دا سربراہی اجلاس شرم الشیخ، مصر اچ 7 اتے 8 نومبر کوں تھیا ہئی ۔کانفرنس اتے مصر دے صدر دی خصوصی دعوت تے وزیراعظم محمد شہباز شریف اجلاس اچ شریک تھیے ہن۔
