اسلام آباد۔21نومبر (اے پی پی) صدر مملکت ڈاکٹر عارف علوی دا شہیداں دے ٹٻراں نال ٹیلی فون تے رابطہ اتے تعزیت کیتی۔ سنوار کوں ایوان صدر دے پریس ونگ توں جاری بیان موجب صدر مملکت شہید نائیک تاج محمد اتے لانس نائیک امتیاز احمد دے ٹبر نال افسوس کیتا۔ ݙوہیں 15 نومبر کوں ضلع باجوڑدے علاقے ہلال خیل دےحملے اچ شہید تھیے ہن۔ صدرمملکت شہیداں دے والدین نال ڳالھ کیتی۔ صدرمملکت دعا کیتی جو اللہ تعالیٰ شہیداں دی روح کوں ابدی سکون عطا فرماوے۔ انہاں آکھیا جو ملک اچ دہشت گردی دی باقیات دے پورے خاتمے تئیں اساݙی کوششاں جاری رہسن۔
