اسلام آباد۔21نومبر (اے پی پی) وزیر اعظم محمد شہباز شریف قزاخستان دے صدر قاسم جومرت توکیوف کوں وݙی اکثریت نال ولا صدر منتخب تھیوݨ تے مبارخ ݙتی اے۔ سنوار کوں وزیراعظم آفس دے میڈیا ونگ توں جاری بیان موجب قزاخستان دے صدر نال ٹیلی فون تےڳالھ مہاڑ کریندیں ہوئیں وزیراعظم آکھیاجو انہاں دی جت قزاخستان دی عوام دے انہاں دی بصیرت اتےماثالی قیادت تے اعتماد کوں نشابر کریندی اے۔ وزیراعظم امید کیتی جو قزاخستان انہاں دی قیادت اچ خوشحالی اتےترقی دی پوڑیاں چڑھسی۔ وزیراعظم ݙوہیں ملکاں وچال آپسی تعاون اتے خوشگوار تعلقات تے اطمینان کیتا۔
