سئیں عاشق بزدار ولوں راجن پور، مہرے آلا اچ 37 واں سالانہ خواجہ فرید سرائیکی ادبی ثقافتی ڈوں ڈینھ دا میلا تھیا

اسلام آباد۔22نومبر  (اے پی پی سرائیکی نیوز سروس) سئیں عاشق بزدار ولوں راجن پور، مہرے آلا اچ 37 واں سالانہ خواجہ فرید سرائیکی ادبی ثقافتی ڈوں ڈینھ دا میلا تھیا جیندے اچ سرائیکی دیاں تنظیماں دے نشابر اگواݨ تقریریاں اچ سرائیکی تحریک کوں ودھاوݨ دا مطالبہ کیتا ۔ڈوں ڈینھ دے میلے اچ ڈرامہ، سوانگ ، مشاعرہ ، سرائیکی جھومر ، کوڈی ، گاوݨ وجاݨ دی رونق لگی رہی ۔ میلے اچ نینگر، بزرگ ،  ٻال وݙے جوش خروش نال شریک تھئے ۔ میلے اچ تریمتیں وی شامل ہن ۔