راولپنڈی ۔23نومبر (اے پی پی) پاک فوج دے سربراہ جنرل قمر جاوید باجوہ آکھیا جو 44 سالہ فوجی سروس توں ریٹائرڈ تھیندا پیاں، یوم شہدا تے دفاع دی تقریب دیر نال کراوݨ تے معذرت کرینداں۔ انہاں آکھیا جو یوم شہدا دی تقریب چھل پاروں دیر تھی ایں تے معذرت کرینداں۔ انہاں آکھیا جو اپݨی سروس اچ ہزاراں شہیداں دےگھراں اچ گیاں پر ہک وی ایجھا نی جئیں دے حوصلے پست تھے ہوون۔ انہاں کوں یقین ݙوینداں جو فوج اپݨے شہیداں کوں کݙاہیں کلھا نہ چھڑیسی۔ قربانیاں دا صلہ تاں ݙے سڳدے پر قربانیاں رائیگاں کائنا تھیوݨ ݙیسوں۔
