اسلام آباد۔23نومبر (اے پی پی سرائیکی سروس) سرائیکی عرامی تریمت تحریک دی اگوانڑ ادی عابدہ بتول سیالے دے آندے ای سیلاب متاثرین دی مدد کوں گرم کپڑے ڈیوݨ کراچی توں پجے جتھاں پہلے ای سید وسیم عباس تے مخمورقلندری آپدے وسیبیاں دی مینھ تے سیلاب دی بربادی اچ مدد کریندے کھڑے ہن ۔ادی عابدہ بتول ایں توں پہلے تونسہ شریف تے راجن پور اچ متاثرین کنیں ترائے واری مدد کو پہنچن جیندے اچ دمان (چوٹی بالا، پچادھ، سخی سرور، چوٹی زیریں، خان پور منج ولا، ننگر، بستی حسنانی ) شامل ان ۔ایں سفر سانگے انھاں آپ پیسے کٹھے کیتے تے انھاں دی وݙے بھرا دے نال نال سرائیکی عوامی سنگت دے متحرک کارکن مشتاق فریدی تے انھاں دے بالاں مدد کیتی ۔ادی عابدہ بتول مخمور کراچی توں سینکڑاں رضائیاں، گرم شالیں جرسیاں تے گرم ٹوپیاں تریمتیں ٻالاں تے نینگراں اچ ونڈائیاں تے سرائیکی نیوز سروس نال گالھ مہاڑ کریندے انھاں ساڈے ہستی رکھݨ آلیاں شخصیات کوں سنہیا ݙتے جو اوکھے ویلھے اچ اساکوں آپدے بھیݨیں بھراویں دی مدد کرݨی چاہیدی اے ۔
