اسلام آباد۔25نومبر (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم شہباز شریف 25 توں 26 نومبر 2022ء تئیں ترکیہ دا ݙو ݙینھ دا سرکاری دورہ کریندے پن۔ وزیراعظم شہباز شریف اتے ترکیہ دے صدر اردوان استنبول شپ یارڈ اچ پاک بحریہ کیتے4ملجم کارویٹ جہازاں اچوں تریجھے جہاز پی این ایس خیبر دا افتتاح کریسن۔ جمعے کوں اپݨے ٹویٹ اچ وفاقی وزیر اطلاعات آکھیاجو ݙوہیں ملکاں وچال سانجھے تعاون تے مبنی ملجم منصوبہ پاکستان ۔ ترکی اسٹریٹجک پارٹنرشپ اچ ہک اہم سنگ میل دی حیثیت رکھیندے۔ انہاں آکھیا جو اپݨےدورے اچ وزیراعظم ترکیہ دی تاجر برادری دے وفد اتے ای سی اوٹریڈ اینڈ ڈویلپمنٹ بینک دے صدر نال وی ملاقات کریسن۔
