ڈھاکا ۔ 28 نومبر (اے پی پی) بنگلہ دیش پریمیئر لیگ (بی پی ایل) اچ بدھ کوں بئے ڈومیچاں دا فیصلہ تھیسی۔ تفصیلات موجب بی پی ایل دے دلچسپ مقابلے بنگلہ دیش اچ کھیڈے ویندے پین۔ ایں وڈے ٹورنامنٹ دا 33 واں میچ چٹاگانگ وائی کنگز اتے راجشاہی کنگز دیاں ٹیماں وچال ظہور الہی چوہدری سٹیڈیم، چٹاگانگ اچ کھیڈیا ویسی۔ڈوجھا میچ کومیلا وکٹورینز اتے ڈھاکہ ڈائنا مائٹس وچال ظہور الہی چوہدری سٹیڈیم، چٹاگانگ اچ تھیسی۔ بنگلہ دیش پریمیئر لیگ دا فائنل میچ 12 دسمبر کوں کھیڈیا ویسی۔
