استنبول ۔26نومبر (اے پی پی) وزیر اعظم محمد شہباز شریف ترکیہ دا ݙو ݙینھ دا سرکاری دورہ پورا کرݨ دےبعداستنبول انٹرنیشنل ائیر پورٹ توں وطن واپسی کیتے روانہ تھی ڳن۔ چھݨ چھݨ کوں وزیراعظم آفس دے میڈیا ونگ توں جاری بیان موجب استنبول انٹرنیشنل ایئر پورٹ تے ترکی اچ موجود پاکستانی سفارت خانے دے حکام اتے ترکیہ دے اعلی حکام وزیر اعظم کوں الوداع کیتا۔ اے ݙو ݙینھ دا سرکاری دورے اچ وزیراعظم محمد شہباز شریف اتے صدر رجب طیب اردوان استنبول شپ یارڈ اچ پاک بحریہ کیتے چار ملجم کارویٹ جہازاں اچوں تریجھے جہاز پی این ایس خیبر دا افتتاح کیتے۔ ݙوہیں رہنماواں ݙوپاسہ تعلقات، علاقائی صورتحال اتے سانجھی دلچسپی دے معاملیاں تے ڳالھ کیتی ۔ وفود دی سطح تے مذاکرات کیتے اتے سانجھی پریس کانفرنس توں خطاب ویکیتا۔ اپݨے دورے اچ وزیراعظم محمد شہبازشریف ترکیہ دے تاجراں نال ملاقات ، پاکستان ترکیہ بزنس کونسل دے اجلاس توں خطاب، ای سی او ٹریڈ اینڈ ڈویلپمنٹ بینک دے صدر نال وی ملاقات کیتی۔
