اسلام آباد۔27نومبر (اے پی پی) وفاقی وزیر برائے تخفیف غربت اتے سماجی تحفظ اتےچیئرپرسن بینظیر انکم سپورٹ پروگرام شازیہ عطا مری آکھیا جو موسمیاتی تبدیلی پاروں پاکستان اچ تباہ کن چھل پاروں 33 ملین لوک متاثر تھین۔ موسمیاتی تبدیلی ہک حقیقت ٻݨ ڳی اے۔ اساں امید کریندوں جو عالمی برادری ایں بارے سنجیدگی نال کم کریسی۔ وفاقی وزیر برائے تخفیف غربت اتے سماجی تحفظ اتے چیئرپرسن بینظیر انکم سپورٹ پروگرام شازیہ عطا مری سپین دے شہر میڈرڈ اچ جاری 26 ویں سوشلسٹ انٹرنیشنل کانگریس دے اجلاس اچ شرکت کیتی ۔وفاقی وزیر سوشلسٹ انٹرنیشنل دے اہم اجلاس دے بعد اپݨے خطاب اچ عالمی سطح تے جاری جنگاں اتے تنازعیاں توں متاثر تریمتیں اتے ٻالاں نال یکجہتی دا اظہار کیتا اتے پاکستان اچ موسمیاتی تبدیلی دے تباہ کن اثرات تے وے تفصیلی ڳالھ کیتی۔
