اسلام آباد۔28نومبر (اے پی پی) وفاقی وزیر منصوبہ بندی ، ترقی تے اصلاحات پروفیسر احسن اقبال آکھیا جو پاکستان اچ سول سرونٹس دی شفاف ترین میرٹ دی بنیاد تے تقرری تھی اے۔ افسران پیشہ وارانہ معاملے نبیڑ تے معاشی منیجر دی طرز تے سوچن۔ ٹیکس وصولی، سرمایہ کاری ، برآمدات اتے ٻاہرلی ترسیلات دے فروغ اچ اساݙا معاشی علاج اے۔ اے ڳالھیں انہاں سنوار کوں 117ویں این ایم سی دے افسراں دے وزارت منصوبہ بندی و ترقی دے تربیتی دورہ دے موقع تے خطاب کریندیں ہوئیں آکھی۔ وفاقی وزیر آکھیا جو پاکستان اچ سول سرونٹس دی شفاف ترین میرٹ دی بنیاد تے تقرری تھئی اے۔ پاکستان دی سول سروس دنیا اچ پیشہ وارانہ مہارت دی حامل تصور تھیندی اے۔ سوال اے جو افسراں دا انفرادی میرٹ نظام دی اجتماعی کارکردگی تے اثرانداز کیوں نی تھیندا۔ انہاں آکھیا جو دنیا ہک تلاطم اتے بے یقینی توں لنگھدی پی اے،ٹیکنالوجی، گلوبلائزیشن، عالمی تنازعات، آبادی اتے موسمیاتی تبدیلی وݙی تبدیلی پیدا کریندے پن۔
