لاہور۔28نومبر(اے پی پی):گورنر پنجاب محمد بلیغ الرحمان نال سنوار دے ݙینھ اتھاں گورنر ہائوس لاہور اچ ریئرایڈمرل جاوید اقبال دی قیادت اچ نیوی وار کالج دے زیر اہتمام 52 ویں پاکستان نیوی سٹاف کورس دے ملکی و غیر ملکی شرکا ملاقات کیتی۔ایں موقع تے شرکا توں خطاب کریندے ہوہئیں گورنر پنجاب محمد بلیغ الرحمان آکھیے جو پاکستان ھک پر امن ملک اے جیں نہ صرف خطے بلکہ عالمی امن کیتے بے مثا ل قربانیاں ݙتن۔انہاں آکھیے جو پاکستان دہشت گردی دے خلاف طویل جنگ لڑی اے اتے ایں حوالے نال افواج پاکستان دا کردار ناقابل فراموش اے۔گورنر پنجاب آکھیے جو ملک کوں ایں ویلھے سیاسی اتے معاشی عدم استحکام سودھے ٻہوں سارے چیلنجز دا سامݨا اے ۔ جنہاں ملکاں ترقی کیتے اتھاں گھٹ توں گھٹ 15,16 سال پالیسیاں دا تسلسل رہیے ۔انہاں آکھیے معاشی استحکام کیتے ملک اچ پالیسیاں دا تسلسل ٻہوں اہم اے ۔پاک چائنہ اقتصادی راہداری نال ملک اچ معاشی ترقی دی نویں رستے کھلسن ۔2018 دے بعد اے منصوبہ سست روی دا شکار تھیا لیکن ہݨ اے حکومت ول اینکوں توڑ پڄاوݨ کیتے پرعزم اے ۔
