لاہور۔28نومبر (اے پی پی):چیف الیکشن کمشنر سکندر سلطان راجہ صوبائی الیکشن کمشنر آفس لاہور اچ کمپیوٹرائزڈ انتخابی فہرستاں دے حوالے نال اہم اجلاس دی صدارت کیتی ۔ اجلاس اچ صوبائی الیکشن کمشنر پنجاب سعید گل، الیکشن کمیشن اسلام آباد دے افسران اتے الیکشن کمیشن آفس پنجاب دے افسران شرکت کیتی۔ اجلاس اچ صوبہ پنجاب دے سارے ریجنل الیکشن کمشنرز تے ضلعی الیکشن کمشنرز وی شرکت کیتی۔ اجلاس دا مقصد شفاف کمپیوٹرائزڈ انتخابی فہرستاں دے سسٹم کوں مزید بہتر بݨاوݨ کیتے تجاویزدا جائزہ گھنݨا ہئی ۔ صوبائی الیکشن کمشنر چیف الیکشن کمشنر سکندرسلطان راجہ دے ایں اقدام دی تعریف کیتی تے انہاں دا شکریہ ادا کیتے ۔ڈائریکٹر ایم آئی ایس الیکشن کمیشن اسلام آباد عمران احمد کمپیوٹرائزڈ الیکٹورل رول سسٹم دے مختلف پہلوواں تے بریفنگ ݙتی ۔
