اسلام آباد۔28نومبر (اے پی پی):وفاقی وزیر خزانہ و محصولات سینیٹر محمد اسحاق ڈار ملک اچ کھنڈ دی دستیابی تے پیداوار تے اطمینان دا اظہار،کھنڈ دے سٹریٹجک ذخائر کوں برقرار رکھݨ تے عوام کوں ودھ توں ودھ ریلیف ݙیوݨ کیتے کھنڈ دیاں قیمتاں کوں برقرار رکھݨ تے زور ݙتے، اے ڳالھ انہاں سنوار کوں اتھاں ملک اچ کھنڈ دی طلب تے رسد دی صورت حال دا جائزہ گھنݨ کیتے منعقدہ اجلاس دی صدارت کریندے ہوئیں آکھی اے ۔اجلاس اچ وفاقی وزیر قومی غذائی تحفظ و تحقیق طارق بشیر چیمہ، وزیراعظم دے مشیر خزانہ طارق باجوہ،وزیراعظم دے مشیر ریونیو طارق محمود پاشا، سیکریٹری، قومی غذائی تحفظ و تحقیق اسپیشل سیکریٹری خزانہ دے علاوہ قومی غذائی تحفظ و تحقیق تے وزارت خزانہ دے ٻئے سینئر افسران وی شرکت کیتی۔ اجلاس اچ ملک اچ کھنڈ دے دستیاب اسٹاک دی صورتحال اتے مستقبل اچ ایندی طلب دا جائزہ ڳھدا ڳئے تے ݙسایا ڳئے جو ملک اچ کھنڈ دا وافر ذخیرہ موجود اے۔ اجلاس اچ ݙسایا ڳئے جو سندھ تے پنجاب دے صوبیں اچ شوگر ملاں ڳنے دی کرشنگ شروع کرݙتی اے۔
