اسلام آباد۔28نومبر(اے پی پی) وزیراعظم محمد شہبازشریف انڈونیشیا دے صدر جوکو ویدودو کوں سنوار کوں ٹیلی فون کیتے تے انہاں نال مغربی جاوااچ زلزلےتوں جانی و مالی ضیان تے تعزیت کیتی اے ۔ وزیراعظم آفس دے میڈیا ونگ توں جاری بیان موجب وزیراعظم گزریل ہفتے مغربی جاوا اچ زلزلے توں جانی تے مالی ضیان تے تعزیت کیتی اے ۔ وزیراعظم آکھیے جو پاکستانی عوام اپݨے انڈونیشین بھراویں تے بھیݨاں دے ݙکھ کوں محسوس کرسڳدن جنہاں کوں ہݨے ہی زلزلے جیہی قدرتی آفت توں ٻہوں سارا ضیان چاوݨا پئے ۔ پاکستان اچ سیلاب متاثرین کیتے انڈونیشیا دی حکومت دی طرفوں ݙتی ونڄݨ آلی امداد تے انڈونیشیا دے صدر دا شکریہ ادا کریندے ہوئیں وزیراعظم انڈونیشیا اچ جاری امدادی سرگرمیاں کیتے پاکستان دی طرفوں مدد دی پیشکش کیتی۔
