پاکستان اچ کرکٹ دا جنون اے، سارے جڳ کوں پتہ اے جو پاکستان دی عوام کرکٹ پسند کریندی اے، مریم اورنگزیب

اسلام آباد۔29نومبر (اے پی پی) وفاقی وزیر اطلاعات تے نشریات مریم اورنگزیب انگلینڈ کرکٹ ٹیم دا پاکستان آوݨ تے خیر مقدم کریندیں ہوئیں آکھیا جو پاکستان اچ کرکٹ دا جنون اے، سارے جڳ کوں پتہ اے جو پاکستان دی عوام کرکٹ پسند کریندی اے۔ اے ڳالھ ںہاں برطانوی ہائی کمشنر کرسچن ٹرنر ولوں گزریل ݙینھ پاکستان اتے انگلینڈ دی ٹیماں دے اعزاز اچ ݙتے ڳے عشائیہ دے موقع تے ڳالھ مہاڑ کریندیں ہوئیں آکھی۔ عشائیہ تقریب اچ انگلینڈ کرکٹ ٹیم دے کپتان بین اسٹوکس اتے پاکستان کرکٹ ٹیم دے کپتان بابر اعظم وفاقی وزیر اطلاعات نال ملاقات کیتی۔ ایں موقع تے ڳالھ کریندیں ہوئیں مریم اورنگزیب آکھیا جو پاکستان اتے انگلینڈ وچال 17 سال بعد تاریخی ٹیسٹ سیریز کیتے پوری قوم پرجوش اے۔ انہاں آکھیا جو پاکستان انٹرنیشنل کرکٹ کیتے بہترین اتے محفوظ ڄاہ اے۔ حکومت پاکستان انگلینڈ کرکٹ ٹیم کوں بہترین سکیورٹی ݙیندی پی اے۔ وفاقی وزیر اطلاعات اڄوکے ٹی ٹونٹی ورلڈ کپ اچ پاکستان اتے انگلینڈ کرکٹ ٹیماں دی کارکردگی دی تعریف کیتی۔ ایں موقع تے برطانیہ دی کرکٹ ٹیم دے کپتان بین اسٹوکس بہترین مزمان نوازی تے پاکستان دی عوام دا شکریہ ادا کیتا اتے آکھیا جو پاکستان ولوں تسلی بخش سکیورٹی ݙتی ڳی اے۔ پاکستان کرکٹ ٹیم دے کپتان بابر اعظم انگلینڈ کرکٹ ٹیم کوں پاکستان آوݨ تے خوش آمدید آکھیا۔