ملتان،حضرت شاہ رکن دین عالم ؒ دا ترائے ݙینھ دا عرس 30نومبرکوں شروع تھیسی

ملتان۔29نومبر (اے پی پی) عظیم روحانی پیشواحضرت شاہ رکن عالم ترائے ݙینھ دا عرس 30نومبرکوں ملتان اچ شروع تھیسی جئیں اچ پورے ملک توں زائرین دی وݙی تعداد شریک تھیسی۔ تقریب دا افتتاح سابق وزیرخارجہ مخدوم شاہ محمود قریشی مزارکوں غسل ݙے تے کریسن جڈانجو حضرت شاہ رکن عالم دی تعلیمات بارے سیمینار وی تھیسی۔ ضلعی انتظامیہ عرس دے موقع تے صفائی دے خصوصی انتظام کیتن۔ ایں موقع تے ترائے شفٹاں اچ پنجاہ اہلکار لاتے ویسن۔ زائرین دے رہݨ دی ڄاہ تے وی صفائی دا خصوصی انتظام کیتا ویسی۔