راولپنڈی ۔29نومبر (اے پی پی) سیکورٹی فورسز دے بلوچستان دے علاقے ہوشاب اچ آپریشن دے دوران 10 دہشت گرد ماریے ڳئن جݙاں جو ھک دہشت گرد زخمی حالت اچ گرفتار کرڳھدے ۔ آئی ایس پی آر موجب 29نومبر کوں ہوشاب دے علاقے اچ M-8 تے دیسی ساختہ بم نصب کرݨ دے علاوہ سیکورٹی فورسز اتے عام شہریاں کوں نشانہ بݨاوݨ آلے فائرنگ دے واقعات تے دہشت گرداں دے ٹھکاݨے ختم کرݨ کیتے انٹیلی جنس بنیاد تے آپریشن کیتا ڳئے ۔ سیکورٹی فورسز 12 توں 14 دہشت گرداں دی نشاندہی تے محاصرہ کیتا تاں دہشت گرداں سیکورٹی فورسز تے فائرنگ شروع کرݙتی ۔ شدید فائرنگ دے تبادلے اچ 10 دہشت گرد ماریے ڳئن جݙاں جو 1 دہشت گرد کوں زخمی حالت اچ گرفتار کر ڳھدا ڳئے، ݙو دہشت گرد بھڄݨ اچ کامیاب تھی ڳئن جنہاں دا سراغ لاوݨ کیتے علاقے اچ آپریشن جاری اے۔ ماریے ونڄݨ آلے دہشت گرداں دے قبضے توں دیسی ساختہ بم سمیت اسلحہ اتے گولہ بارود دا باری ذخیرہ وی برآمد کیتا ڳئے ۔ سیکیورٹی فورسز قوم نال رل تے بلوچستان دے امن، استحکام اتے ترقی کوں سبوتاژ کرݨ دیاں کوششاں کوں ناکام بݨاوݨ کیتے پرعزم اے۔
