اسلام آباد۔30نومبر (اے پی پی) وفاقی وزیر داخلہ رانا ثناءاللہ خان بلیلی چیک پوسٹ بلوچستان دھماکے دی سخت مذمت کریندیں ہوئیں آکھیا جو اے خود کش دھماکہ لڳدے۔ بلوچستان دی حکومت توں واقعے دی تفصیلی رپورٹ منڳی اے ۔ بدھ کوں اپݨے بیان اچ وفاقی وزیر رانا ثناءاللہ خان آکھیا جو دھماکے اچ پولیس اہلکار اتے ٻال دی شہادت تے افسوس اے۔ زخمی پولیس اہلکاراں دی جلدی صحت یابی کیتے دعا اے۔ پولیس شہدا کوں خراج عقیدت پیش کرینداں۔ قوم کوں انہاں دی قربانیاں تے فخر اے۔
