اسلام آباد۔1دسمبر(اے پی پی):وفاقی وزیرخزانہ ومحصولات سینیٹرمحمداسحاق ڈار محصولات دی موجودہ پالیسیاں داجائزہ گھنݨ ، موجودہ ٹیکس نظام اچ پیدا تھیوݨ آلے مسئلے ،مشکلات اتے خطرات دی نشاندہی اتے بجٹ تجاویزوسفارشات دی تدوین تے تجاویز وسفارشات دے نتائج کوں جانچݨ کیتے ریفارم اینڈریسورس موبلائزیشن کمیشن قائم کرݙتا۔ وزارت خزانہ دی طرفوں ایں حوالے نال خمیس کوں نوٹیفیکشن جاری کرݙتا ڳئے ۔ نوٹیفیکشن موجب اشفاق تولہ کمیشن دے چئیرمین دے فرائض سرانجام ݙیسن ۔کمیشن 11 ارکان تے مشتمل اے ۔ چئیرمین ایف بی آر، ایف بی آر دے ممبراصلاحات، ایف پی سی سی آئی دے صدر تے پاکستان ٹیکس بارایسوسی ایشن دے صدر کمیشن دے ارکان ہوسن ۔کمیشن دے ٻئے ارکان اچ آصف ہارون،ثاقب شیرازی، حیدرعلی پٹیل، عبدالقادرمیمن، ڈاکٹروقار احمد تے غضنفربلورشامل ہن ۔ کمیشن دے تحت محصولات دی موجودہ پالیسیاں داجائزہ ڳھدا ویسی جݙاں جو موجودہ ٹیکس نظام اچ پیدا تھیوݨ آلے مسئلے ،مشکلات اتے خطرات دی نشاندہی وی کریسی ۔ کمیشن بجٹ تجاویزتے سفارشات داجائزہ وی گھنسی تے انہاں تجاویز وسفارشات دے نتائج کوں جانچسی ۔کمیشن دے تحت ٹیکس قوانین دی پیچیدگیاں دااحاطہ وی کیتا ویسی ۔کمیشن آزادانہ طورتے کم کریسی جݙاں جو ایندی قیادت کل وقتی چیئرمین کریسن ۔ کمیشن دے تحت ھک موثر تے فعال ومتحرک انفارمیشن ٹیکنالوجی دے نظام دی سفارشات وی مرتب کریسی۔
