اسلام آباد۔1دسمبر(اے پی پی سرائیکی نیوزسروس)پاکستان سرائیکی پارٹی دے ڈپٹی سیکرٹری جنرل ملک جاوید حسین چنڑ ایڈووکیٹ دی سرائیکستان قومی اتحاد دے اگوانڑ شریف خان لاشاری نال ملاقات تھئی اے جیندے وچ سرائیکی صوبے دی تحریک تے تے سرائیکی زبان و ادب دے ودھارے سانگے گالھ مہاڑ کیتی گئی ۔ایں موقعے تے شریف خان لاشاری ملک جاوید حسین چنڑ ایڈووکیٹ کوں یقین دھانی کرائی جو تھل دی عوام سرائیکی صوبے دی تحریکِ نال اے ۔ایں مشاورت اچ سرائیکستان قومی کونسل دے صدر ظہور دھریجہ نال وی مشاورت کیتی ویسی۔ساریاں سرائیکی جماعتاں دے اگوانڑ کٹھے رل تے تھل دا دورہ کریسن اتے وسیب اچ سرائیکی صوبے دے حامیاں کوں دعوت ڈتی ویسی ۔ملک جاوید حسین چنڑ ایڈووکیٹ آکھے جو ہیڈ محمد والہ دا دھرنا نویں سال دی شروعات اتے سرائیکی صوبے دے بنڑن اچ سنگ میل ثابت تھیسی ۔
