اسلام آباد۔1دسمبر(اے پی پی سرائیکی نیوزسروس)کراچی اچ اکویویں صدی اچ سرائیکی زبان و ادب دے حوالے نال نشست ہوسی جیندے اچ سرائیکی زبان دے دانشور صحافی گالھ مہاڑ کریسن،علم و ادب دا نشابر ناں چار ݙہاکیاں توں صحافت نال ڳنڈھئے ہوئے ہین آپ دا شمار چوٹی دے تجزیہ نگاریں وچ تھیندے ، صحافت ءچ نمایاں خدمات تے صدارتی ایوارڈ پرائڈ آف پرفارمینس حاصل کرچکن فوک وزڈم ،سیاست ،تاریخ ،،فلسفہ عمراانیات تے ادب دا کوئی شعبہ ہووے او ماہر ان سرائیکی زبان ءچ پندھ وہانی ، شاعری دے وٹاندرے اتے ناول وساخ سمیت کئی کتاباں آچکین محترم جناب نذیر لغاری۔ 51 سالھیں توں علم و ادب دے مختلف اصناف ءچ گراں قدر اضافے دا باعث ،ہک معتبر ،محقق ، نقاد ، شاعر،افسانہ نگار ناول نگار پاکستان ٹیلی ویژن توں بہترین ڈرامہ نگاری تے قومی اعزاز تمغہ امتیاز حاصل کرݨ والے کرک ناتھ انواسی منتارا اتے سرائیکی ناول ادھ ادھورے لوک تے مرماء جیون جہیں ناولیں دے خالق محترم جناب حفیظ خاں ۔ سرائیکی ادبی ،سیاسی تے سماجی اڳواݨ ہووݨ دے نال جگ مشہور صحافی مصنف، تجزیہ نگار ہن سرائیکی زبان و ادب نال گہری وابستگی رکھیندین مسلسل ترائے عشریاں توں خواجہ غلام فرید کانفرنس دے سیکریٹری رہین ۔ پیاس و افلاس کا صحرا پندھ وہاݨی اتے ساوݨ چار ݙیہاڑے انہاں دی تصانیف ہن محترم سعید خاور ۔ علمی ادبی گھرانے نال تعلق رکھݨ دے پاروں ادب دے کئی پہلو تے گہری نظر تے دسترس رکھیندین ادبی موضوعات تے۔ وسعت نال اثر انگیز گفتگو کریندین۔ کراچی جہیں شہر ءچ بے وسیلیاں تریمتیں سانگے۔ علمی ادبی تے سیاسی تربیت۔ کرݨ سانگے تریمت تحریک دی بنیاد رکھن والی سربراہ سرائیکی عوامی تریمت تحریک محترمہ ادی عابدہ بتول سئیݨ۔ سرائیکی ڈیپارٹمنٹ دے چیئرمین تے ڈین ڈاکٹر جاوید چانڈیو، تے سینئر صحافی شاہد جتوئی ہوسن۔ جڈاں جو نظامت سرائیکی عوامی تریمت تحریک دی جنرل سیکرٹری ادی سعدیہ شکیل کریندے پئین۔
