اسلام آباد۔2دسمبر(اے پی پی):وفاقی وزیر منصوبہ بندی ، ترقیات و خصوصی اقدامات پروفیسر احسن اقبال آکھیے جو وفاقی حکومت بلوچستان دی ترقی کیتے بھرپور اقدامات کریندی پئی اے تے سارے ترقیاتی منصوبیں کوں ترجیحی بنیاداں تے مکمل کیتا ویسی ۔ اے ڳالھ انہاں جمعہ کوں وزیر صحت بلوچستان دی سربراہی اچ بلوچستان توں آئے 5 رکنی وفد نال ھک اجلاس دی صدارت کریندے ہوئیں آکھی اے ۔ اجلاس اچ وزیر خوراک بلوچستان، تےچیف سیکرٹری بلوچستان وی شریک تھئن۔ ایں موقع تے وفاقی وزیر احسن اقبال وفاقی حکومت دی طرفوں بلوچستان دی ترقی سانڳے کیتے ڳئے اڄوکے اقدامات تے روشنی پیندے ہوئیں آکھیے جو وفاقی حکومت بلوچستان دی ترقی کیتے بھرپور اقدامات کریندی پئی اے ارباں روپے مالیت دے منصوبے وفاقی حکومت بلوچستان دے ترقیاتی منصوبیں کیتے رکھئن تاں جو صوبے دی پسماندگی کوں مکایا ونڄ سڳے ۔ ماضی دی پی ٹی آئی حکومت صوبہ بلوچستان دے ترقیاتی منصوبیں کوں نظرانداز کیتے جیں توں صوبے دی ترقی بری طرح متاثر تھئی۔ واضح رہے جو اڄوکے سال اپریل اچ موجودہ حکومت دے برسراقتدار آوݨ دے بعد توں بلوچستان دی ترقی اولین ترجیح رہی، خاص طور تے اڄوکے تباہ کن سیلاب دے بعد جیں صوبہ کوں بری طرح متاثر کیتے۔ وفاقی حکومت بلوچستان دی ترقی کیتے وفاقی حکومت دے فنڈز توں کئی منصوبیں دی منظوری وی ݙتی ڳئی جیڑھی جو اڄوکے سیلاب توں متاثرتھئے ہن ۔
