کابل ۔5دسمبر(اے پی پی)افغان فورسز کابل اچ پاکستانی سفارتخانے تے حملہ کرݨ آلا مبینہ غیر ملکی دہشتگرد پکڑ ڳھدے۔ چینی خبررساں ادارے آکھیے جو طالبان دے زیر انتظام نگراں حکومت دے چیف ترجمان ذبیح اللہ مجاہد موجب افغان فورسز جمعہ کوں کابل اچ پاکستانی سفارت خانے تے حملے اچ ملوث ہک غیر ملکی شہری پکڑیے۔ ترجمان ٹویٹ کیتے جو امارت اسلامیہ افغانستان دی افواج دے خصوصی یونٹاں دے اہلکاراں ہک غیر ملکی شہری اتے داعش (اسلامک سٹیٹ) دا رکن گرفتار کیتے، تحقیقات نال کڑی رلدی اے جو داعش اتے باغیاں رل تے ݙو ہمسایہ اتے ٻھرا ملکاں پاکستان اتے افغانستان وچال بھیڑی ستݨ کیتے حملے دا منصوبہ ٻݨایا ہا۔ ذبیح اللہ مجاہد گرفتار دہشتگرد دی قومیت یا سنڄاݨ ظاہر نئیں کیتی۔
