اسلام آباد۔5دسمبر(اے پی پی سرائیکی نیوز سروس)سرائیکی اتے اردو دے مشہور نثر و خاکہ نگار سید انیس شاہ جیلانی دی یاد اچ تقریب تحصیل صادق آباد دے علاقے سنجر پور اچ تھئی۔ تقریب اچ معروف دانشور محمد دین جوہر پرنسپل اینڈ ڈائریکٹر MTB صادق آباد، محقق العصر، امیر البیان میر حسان الحیدری، سرائیکی دے معروف دانشور مجاہد جتوئی، ٹانک توں سرائیکی قوم پرست معوذ آرائیں سرائیکی، مرزا حبیب الرحمن تے جام نور حسین شاہد وی شریک تھئے۔ اے تقریب بہاول پور ٹیچرز ایسوسی ایشن اتے رفاہ انٹرنیشنل کالج صادق آباد دے ڳانݙھے نال تھئی جیندے کیتے وزیر احمد مہر خصوصی تعاون کیتا۔ تقریب دے شرکاء سید انیس شاہ جیلانی دی شخصیت تے فن بارے تفصیل نال گالھ مہاڑ کیتی اے انہاں دی خدمات تے الایا۔
