اسلام آباد۔5دسمبر(اے پی پی سرائیکی نیوز سروس)اسلام آباد دے لوک ورثہ اچ ݙاہ ݙیہاری لوک میلہ مک ڳئے۔ میلے اچ چارے صوبیاں، آزاد کشمیر اتے گلگت بلتستان دے فن و ثقافت دے نویکلے سٹال لائے ڳئے ہن جیندے اچ وݙی تعداد اچ لوکاں شرکلت کیتی اتے میلے دی چس چاتی۔ میل ے دی خاص ڳالھ اتھائیں آئے سرائیکی لوک فنکار ہن جنہاں کیتے بہترین انتظامات کیتے ڳن۔ انتظامات سانڳے اسسٹنٹ ڈائریکٹر بہاول پور آرٹس کونسل سہیل کامران دا آکھݨ ہا جو لوک ورثہ میلہ اچ سرائیکی وسیب توں ہمیشہ فنکار تے کاریگر آندن ڄیڑھے نویکلے کڑھائی آلے روایتی ویس وٹا تے آئن، انہاں دے فن اتے ثقافت کوں لوکاں ٻہوں پسند کیتے۔ انہاں آکھیا جو علاقائی ثقافت کوں اڳونہا کرݨ کیتے پنجاب آرٹس کونسل میلے اچ ودھ کوششاں کیتن۔
