اسلام آباد۔6دسمبر(اے پی پی)وزیراعظم محمد شہباز شریف پاکستان مسلم لیگ (ن) شعبہ خواتین دی سابق صدر اتے سینئر پارلیمنٹیرین نجمہ حمید دی فوتڳی تے پرچاوݨی کیتے انہاں دے گھر ڳین اتے ٹٻر کوں مکاݨ ݙتے۔ وزیراعظم مرحومہ دے پتراں، ٻھیݨ طاہرہ اورنگزیب اتے ٻھݨیڄی وفاقی وزیر اطلاعات و نشریات مریم اورنگزیب نال افسوس کیتا۔ انہاں مرحومہ دے ایصال ثواب کیتے دعا کیتی اتے آکھیا جو ملک، جمہوریت اتے پارٹی کیتے مرحومہ نجمہ حمید دی خدمات ہمیشہ یاد رکھیاں ویسن، او پارٹی دا ہک قیمتی ترکہ ہن۔
