اسلام آباد۔6دسمبر(اے پی پی)صدر مملکت ڈاکٹر عارف علوی سابق چینی صدر چیانگ زیمن دی فوتڳی تے مکاݨ ݙیوݨ اسلام آباد اچ چینی سفارتخانے ڳن اتے پاکستان دی حکومت اتے عوام ولوں چینی قیادت اتے لوکاں نال یکجہتی کیتے۔ او چینی سفیر نونگ رونگ نال ملین اتے افسوس کیتے۔ صدر مملکت ڈاکٹر عارف علوی مرحوم سابق صدر دے اہل خانہ، سنگت اتے چینی عوام کیتے نیک خواہشات کیتن جو چیانگ زے من ہک بہترین سیاستدان اتے مدبر رہنما ہن جنہاں ݙو طرفہ، علاقائی و بین الاقوامی سطح تے عالمی امن و استحکام کیتے دھ کردار ادا کیتے۔ انہاں پاکستان نال تکڑے تعلقات سانڳے مرحوم صدر دیاں خدمات دی تعریف کیتی اتے عزم دوہرایا جو پاک چین دوستی ویلھے نال ٻئی تکڑی تھیسی۔ صدر مملکت آکھیا جو تیزی نال بدلدے ڄڳ اچ پائیدار امن، عالمی اتے علاقائی معاشی و مالیاتی استحکام اچ پاکستان اتے چین اپݨا کردار جاری رکھسن۔
