جنیوا۔7دسمبر (اے پی پی):عالمی ادارہ صحت آکھیے جو یوکرین اچ جاری جنگ اچ فروری توں ہݨ تئیں 17,000 توں ودھ شہری ماریے ڳئن ۔ اقوام متحدہ دے ایمرجنسی ریلیف کوآرڈینیٹر مارٹن گریفتھس اقوام متحدہ دی سلامتی کونسل کوں ݙسایا جو اقوام متحدہ دے ہائی کمشنر انسانی حقوق دے دفتردے مطابق، 24 فروری 2022 توں یکم دسمبر تئیں یوکرین اچ 17,023 شہری ماریے ڳئن۔ جنہاں اچ 419 ٻال وی شامل ہن تاں جو اصل تعداد کتھائیں ودھ تھی سڳدی اے ۔ انہاں ݙسائے جو حملیں اچ صحت دی خدمات ݙیوݨ آلے 600 توں ودھ مراکز متاثر تھئن۔ ایں عرصے اچ یوکرین دے ھک کروڑ 40 لکھ توں ودھ لوک بے گھر تھئن جنہاں اچوں 65 لکھ اپݨےہی ملک اچ موجود ہن جݙاں جو 78 لکھ افراد یورپ دے مختلف ملکاں اچ مہاجرین دی حیثیت نال پڄ ڳئن۔
