بالی ۔8دسمبر(اے پی پی):وزیر خارجہ بلاول بھٹو زرداری بالی اچ انڈونیشیا دی وزیر خارجہ رتنو مرسودی نال ملاقات کیتی ۔ دفتر خارجہ دے ترجمان موجب خمیس کوں تھیوݨ آلی ملاقات اچ ݙوہیں وزرائے خارجہ ݙوطرفہ تعلقات دا جائزہ ڳھدا ۔ وزیر خارجہ بلاول بھٹو زرداری اتے انہاں دی انڈونیشیائی ہم منصب علاقائی تے بین الاقوامی صورتحال تے ڳالھ مہاڑ توں علاوہ ݙوہیں ملکاں وچال رابطے جاری رکھݨ تے اتفاق کیتے۔ ݙوہیں وزرائے خارجہ مشترکہ وزارتی کمیشن دے قیام بارے مفاہمت دی یادداشت تے وی دستخط کیتے جیڑھے جو ݙو پاسے تعلقات اتے تعاون کوں اڳوں ودھاوݨ اچ مدد ݙیسی ۔
