اسلام آباد۔8دسمبر(اے پی پی)وزیر خارجہ بلاول بھٹو زرداری انڈونیشیا دے دورے تے ہین جتھاں انہاں ٻالی اچ افغان تریمتیں دی تعلیم بارے بین الاقوامی کانفرنس اچ شرکت کیتی۔ اپݨے خطاب اچ وزیر خارجہ تریمتیں کیتے تعلیم دی اہمیت تے زور ݙیندے اکھیے جو افغان معاشرے کوں فیدہ ݙیوݨ آلے ٹھوس اتے عملی امدادی پروگراماں کوںو دھاوݨ دی لوڑھ اے۔ وزیر خارجہ بلاول بھٹو افغان عوام دی فلاح و بہبود اتے خوشحالی سانڳے پاکستان ولوں مکمل حمایت دا یقین ݙیوایا۔
