اسلام آباد۔9دسمبر(اے پی پی) وفاقی وزیرداخلہ رانا ثناءاللہ آکھیے جو عمران فراڈیا کوڑیاں خبراں شہبازشریف دے خلاف شائع کرویندا رہیا تے خود گھڑیاں چوری کریندا رہیا ،ڈیلی میل دی معافی اعتراف اے جو ایں جھوٹ دا ماسٹر مائنڈ عمران خان اے ۔جمعہ کوں آپݨے بیان اچ وزیر داخلہ رانا ثناءاللہ خان آکھیے جو عمران خان” ڈیلی میل “دے ذریعے شہبازشریف کوں” بلیک میل“ کرݨ دی کوشش کیتی ،جیڑھا آکھدا ہئی جو اساں کیس ݙیکھدوں ، فیس کائناں ، ڈیلی میل دی معافی دے بعد اوکہیں کوں اپݨا ”فیس“ݙکھاوݨ دے قابل نی رہیے ۔ انہاں آکھیے ثابت تھی چکیے جو عمران خان کوڑا اے ، ھک کوڑا ، چور اتے بے ایمان لیڈر نی تھی سڳدا ، آئین دے تحت کوڑا ، چور، خائن لیڈرنی بݨ سڳدا ۔ انہاں آکھیے پی ٹی آئی دے لوک چور، کوڑے کوں لیڈرشپ دےعہدے توں ہٹاؤ تے کہیں نیک ایمان دار کوں چئیرمین بݨاؤ۔
