اسلام آباد ۔9دسمبر(اے پی پی) وزیر خارجہ بلاول بھٹو زرداری سنگاپور دے دورے دے موقع تے جمعہ کوں اتھاں سنگاپور دے وزیر خارجہ ڈاکٹر ویوین بالاکرشنن نال ،لاقات کیتی ۔ دفتر خارجہ موجب ملاقات دے دوران ݙوہیں رہنماواں پاکستان اتے سنگاپور دے ݙوطرفہ تعلقات دا جائزہ ڳھدا تے ݙو پاسے تعلقات تے تعاون کوں ودھاوݨ تے اتفاق کیتا۔ ݙوہیں وزراء خارجہ ایشیا پیسفک اچ آسیان دے زیرقیادت عمل کیتے حمایت دا اظہار وی کیتا۔ وزیر خارجہ بلاول بھٹو زرداری انڈونیشیا دے دورے دے بعد گزریل رات سنگاپور پڄے ہن۔
