اسلام آباد۔9دسمبر(اے پی پی) وزیراعظم محمد شہبازشریف آکھیے جو پالے دے موسم اچ سیلاب متاثرہ بے گھر لوکاں کوں چھت ݙیوݨ ٻہوں وݙا چیلنج اے ، مخیر حضرات ودھ چڑھ تے ایں کم اچ حکومت دا ساتھ ݙیون ۔ آپݨے ھک ٹویٹ اچ وزیراعظم آکھیے جو ویھا گزرݨ دے نال نال سیلاب متاثرین دی مشکلات ودھدیاں ویندن تے اڄوکے موسم پالے اچ بے گھر لوکاں کوں چھت ݙیوݨ ھک ٻہوں وݙا چیلنج اے ۔ وزیراعظم مینزیز ایوی ایشن گروپ اتے سپارز گروپ دی طرفوں ٹانک اچ متاثرین کیتے 100 گھراں دے عطیے تے انہاں دا شکریہ ادا کریندے ہوئیں آکھیے جو حکومت سیلاب متاثرین دی بحالی اتے انہاں کوں اڄوکے موسم اچ چھت ݙیوݨ کیتے ترجیحی بنیاداں تے اقدامات کریندی پئی اے ۔ وزیراعظم ملک دے مخیر حضرات توں اپیل کیتی اے جو او ایں کم اچ ودھ چڑھ تے حکومت دی مدد کرن، اساکوں اوکھے ویلھے اچ آپݨے بھیݨ بھراویں ، ٻال اتے بزرگاں کوں کلھا نی چھوڑݨا چاہیدا ۔
