اسلام آباد۔9دسمبر(اے پی پی)وزیراعظم دے مشیر برائے امور کشمیر و گلگت بلتستان قمر زمان کائرہ اتے وفاقی وزیر برائے انسانی حقوق ریاض حسین پیرزادہ عالمی برادری کوں آکھیے جو او کشمیر اچ بھارت اتے فلسطین اچ اسرائیل دی انسانی حقوق دی سنگین خلاف ورزیاں دا نوٹس ڳھنے، عمران خان ڈیلی میل آلی کار شہبازشریف دی کردار کشی تے پاکستان دے وقار کوں نقصان پچاوݨ تے معافی منگن، آزاد کشمیر دے بلدیاتی انتخابات اچ پیپلزپارٹی اتے مسلم لیگ(ن) رل تے پی ٹی آئی توں ودھ نشستاں ڳھدن، پاکستان کوں اڄوکے حالات توں کݙھݨ کیتے یکجہتی دی لوڑھ اے، پاکستان کشمیریاں دے نال کھڑے، بھارت کشمیریاں دے حوصلے نئیں ݙھوا سڳدا۔ اے ڳالھ انہاں اسلام آباد اچ وفاقی وزیر ریاض پیرزادہ نال پریس کانفرنس کریندے آکھی۔ انہاں آکھیا جو ڄڳ بھارت کوں کشمیر اچ مظالم توں روکے اتے اقوام متحدہ دیاں قراداداں دے مطابق کشمیریاں کوں انہاں دا حق خود ارادیت ݙیواوݨ کیتے کردار ادا کرے اتے بھارت دا محاسبہ کیتا ونڄے، کشمیر اتے فلسطین اچ طاقت دی تݙ تے ڄڳ اچ سب توں ودھ انسانی حقوق دی خلاف ورزیاں تھیندن ٻھل ڄڳ ایندے تے چپ اتے اتے اساں ڄڳ کوں ڄڳاوݨ کیتے انہاں دی توجہ انسانی حقوق دو ݙیواوݨ اچ لڳے ہوئے ہیں۔ انہاں آکھیا جیویں ڈیلی میل بے بنیاد الزامات تے معافی منڳی اے ایویں عمران خان وی بے بنیاد الزام تراشی تے معافی منگن، خان صاحب 2018 دے انتخابات دے وعدیاں اچوں کوئی ہک تاں ݙساون، گھڑی دیان رسیداں آلی کار انہان دا بیانیہ وی جعلی نکلیے۔
