اسلام آباد۔9دسمبر(اے پی پی)وزیراعظم محمد شہباز شریف آکھیے جو سیلاب دی تباہ کاریاں افسوسناک اے، متاثرین دی بحالی کیتے لڳے ہوئے ہیں، نیشنل فلڈ رسپانس اینڈ کوآرڈینیشن سنٹر دا سیلاب متاثرین دی بحالی کیتے کم بہترین اے، پاکستان وسائل نال مالا مال اتے جغرافیائی اعتبار نال اہم اے، ݙکھی انسانیت دی خدمت کیتے سارے وسائل لائن، ایں سانڳے مسلح افواج، این ڈی ایم اے اتے وفاقی و صوبائی حکومتاں متاثرین کیتے رل تے کم کیتے۔ اے ڳالھ انہاں نیشنل فلڈ رسپانس اینڈ کوآرڈینیشن سنٹر دے افسران دے اعزاز اچ تقریب نال خطاب اچ آکھی۔ انہاں سیلاب دیاں تباہ کاریاں دا ݙسیندے متاثرین دی امداد، بحالی اتے متاثرہ علاقیاں دی تعمیر نو کیتے حکومت، مخیر حضرات، متعلقہ اداریاں اتے دوست ملکاں دے ڄذبہ خیر سڳالی دی تعریف کیتی۔ انہاں آکھیا جو سیلاب متاثرین دی امداد و بحالی کیتے جیویں مثالی کم کیتا ڳئے ایندے تے بغیر ویلھا ضائع کیتے کم شروع کیتا ونڄے، ساکوں کہیں وی آفت دی صورتحال نال نمٹݨ کیتے ہر ویلھے تیار رہݨا ہوسی۔
