اسلام آباد۔10دسمبر(اے پی پی)وزیر اعظم شہباز شریف آکھیے جو حکومت انسانی حقوق دے عالمی ݙینھ تے ودھدی انسانی لوڑھ پورا کرݨ اتے انسانی حقوق دی خلاف ورزیاں تے اپݨی ردعمل دی استعداد ودھاوݨ کیتے جامع پالیسی تے کم کرݨ دا عزم رکھدی اے، اساں پائیدار ترقی اہداف 2030ء دے اہم اصولاں تے ٹردے ہوئے عدم مساوات اتے ناانصافی توں پاک معاشرے سانڳے رل مل تے کم کریسوں، بھارت ولوں غیر قانونی مقبوضہ، جموں و کشمیر اچ انسانی حقوق دیاں خلاف ورزیاں تے آواز چاوݨ اتے کشمیریاں کوں انہاں دا حق خود ارادیت کیتے پاکستان ہر سطح تے حمایت جاری رکھسی۔ اے ڳالھ انہاں انسانی حقوق دے عالمی ݙینھ سانڳے اپݨے ہک سنیہے اچ آکھی اے۔ انہاں آکھیا جو اقوام متحدہ دی جنرل اسمبلی 74 سال پہلے انسانی حقوق دا عالمی منشور منظور کیتا ہا جیندے تے عمل سانڳے کٹھیاں کوششاں کرݨیاں ہوسن، اقوام متحدہ دے اعلامیے دے نظریات ہر ڄاہ اتے ہر شہری کیتے شہری، اقتصادی، ثقافتی، سماجی و سیاسی خوشحالی ضروری اے، ایں سال انسانی حقوق دا موضوع “وقار، آزادی و انصاف ہر کہیں کیتے” ہے، ساکوں بانیِ پاکستان قائداعظم محمد علی جناح دی سوچ نئین ٻھلݨی چاہیدی جیڑھےس اݙے کیتے ہک آزاد ملک چاہندے ہن جتھاں ہر کہیں کوں ہکو سویں حقوق ملن۔ انہاں آکھیا جو اوکھ اتے مسائل دے باوجود پاکستان انسانی حقوق دے ایں عالمی ݙیندھ تے ودھدیاں انسانی لوڑھاں پوریاں کرݨ اتے پورا انسانی حقوق دی خلاف ورزیاں تے اپݨے ردعمل دی استعداد ودھاوݨ کیتے موثر حکمت عملی تے چلݨ کیتے پرعزم اے۔
