اسلام آباد۔10دسمبر(اے پی پی)وفاقی وزیر منصوبہ بندی پروفیسر احسن اقبال آکھیے جو ہر شہری اپݨے ماحول کوں صاف ستھرا رکھݨ کیتے کردار ادا کرے، ساݙے ماحول کوں صاف ستھرا رکھݨ کیتے ݙینھ رات محنت آلے سینیٹری ورکرز دے حقوق دا خیال رکھݨا چاہیدے۔ اے ڳالھ انہاں انسانی حقوق دے عالمی ݙینھ تے اپݨے سنیہے اچ آکھی جو اڄ دا ݙینھ انہاں سینیٹری ورکرز کیتے اے جیڑھے وݙی محنت نال ساݙے غلی محلیاں اتے ماحول کوں صاف رکھدن، ساݙا دین ساکوں ایہو سکھیندے جو صفائی نصف ایمان اے، ہر شہری اپݨا صاف ستھرا رکھݨ کیتے اپݨی ذمہ داری نٻھاوے، سینیٹری ورکرز دے حقوق دا تحفظ ساݙی ذمہداری اے۔
