
سیالکوٹ۔11دسمبر(اے پی پی)وزیر دفاع خواجہ محمد آصف آکھیے جو عمران خان کوں 2018 ء اچ ہک منصوبے نال ساݙے سر تھپیا ڳئے جئیں ملک و قوم کوں تباہی دی کندھی تے آن کھڑا کیتے، عمران خان ملکی معیشت ہی نئیں ساݙی نویں نسل دی ٻیڑی وی ٻور ݙتی اے، اڄ اے زور لیندے ودن جو انہاں کوں ملک اچ بئی تباہی کھنݙاوݨ ݙتی ونڄے، ٻھل ہݨ ایں نا تھیسی، ملک دا ہر ادارہ آئین و قانون اچ رہندے ہوئے ملک و قوم دی خدمت کریسی۔ اے ڳالھ انہاں مسلم لیگ ہائوس سیالکوٹ اچ ورکرز کنونشن نال خطاب کریندے آکھی جو عمران خان دی حکومت دی ناکام اتے غلط پالیسیاں دا ٻھوڳ اڄ عوام کوں مہانگ دی شکل اچ ٻھوڳݨا پوندا پئے، اساں 8 مہینے توں انہاں دی ونڄائی معیشت کوں سدھا کرݨ اچ ردھے ہوئے ہیں، امید اے ملکی معیشت پٹڑی تے آویسی۔ انہاں آکھیا جو وزیراعظم محمد شہباز شریف دی اڳواݨی اچ اتحادی حکومت عام لوکاں کوں تیکھے ودھ ریلیف ݙیوݨ کیتے پوری کوشش کریندے پن۔