اسلام آباد۔12دسمبر(اے پی پی) سینیٹ دی قائمہ کمیٹی امور خارجہ دا اجلاس 15 دسمبر کوں تھیسی ۔ سینیٹ سیکرٹریٹ موجب سینیٹ دی قائمہ کمیٹی امور خارجہ دے چیئرمین سینیٹر فاروق ایچ نائیک اجلاس دی صدارت کریسن ۔اجلاس دے شرکا کوں افغانستان دارالحکومت کابل اچ پاکستان دے سفیر تے تھیوݨ آلے اڄوکے حملے تے امن وامان دی صورتحال پاروں دارالحکومت اچ سفارتکاراں تے ٻئے عملے کوں لاحق خطرات بارے ان کیمرہ بریفنگ ݙتی ویسی ۔ اجلاس کوں ٻاہرلے ملک پاکستانی سفارتخانیں، قونصل خانیں اتے مشنز دی تعداد بارے بریفنگ ݙتی ویسی ۔ اجلاس اچ ٻئے امور تے وی غور تھیسی ۔ اجلاس اچ کمیٹی دے ارکان اتے متعلقہ حکام شرکت کریسن ۔
