اسلام آباد۔12دسمبر(اے پی پی) قزاخستان دے ایوان زیرین (مجلس پارلیمنٹ) دے چیئرمین یرلن کوشانوف دی سربراہی اچ پارلیمانی وفد پارلیمنٹ ہاؤس دا دورہ کیتے۔ سپیکر قومی اسمبلی راجہ پرویز اشرف ، ڈپٹی سپیکر زاہد اکرم درانی قومی اسمبلی سیکرٹریٹ دے اعلی حکام دے رلے وفد دا استقبال کیتا۔پارلیمانی وفد دے سربراہ پارلیمنٹ ہاؤس دے سبزہ زار اچ منگولیا گرینڈی فلورا دا ٻوٹا یادگری دے طور تے لاتے ۔ تقریب اچ سپیکر قومی اسمبلی راجہ پرویز اشرف، ڈپٹی سپیکر قومی اسمبلی زاہد اکرم درانی تے قزاخستان دے پارلیمانی وفد دے ممبران موجود ہن ۔ ایں موقع تے ݙوہیں بھرا ملکاں دی ترقی و خوشحالی اتے مسلم امہ وچال اتحاد و یکجہتی کیتے خصوصی دعا کیتی ڳئی ۔
